Reader Digest Magazine, “Right Here .. Right Now” ဆိုတဲ့ ကဏ္ဍမှာပါတဲ့ ဆောင်းပါးလေး တစ်ခုပါ။ “အရုပ်ကလေးတွေအတွက် သီးသန့်တည်းခိုနိုင်တဲ့ ဟိုတယ်” ဆိုတာ ရယ်စရာတစ်ခုလို့ သတ်မှတ်ထားရင်တော့ … ခဏနေပါဦး ဒါကိုဖတ်ကြည့်ပါဦးလို့ ဆိုထားပါတယ်။
သင့်ရဲ့ချစ်လှစွာသော အရုပ်ကလေးကို ကိုယ်ရံတော်တွေ ခြံရံပြီး လုံခြုံစိတ်ချရတဲ့ နိုင်ငံရပ်ခြား အပျော်ခရီးကို ပို့ပေးနိုင်ပါပြီတဲ့။ အရုပ်ချစ်သူတွေအတွက် ဒါက စိတ်ကူးယဉ်မဟုတ်ပါဘူး .. တကယ်ဖြစ်နိုင်ပါပြီ။
ချက်နိုင်ငံမှ ခရီးသွားအေဂျင်စီ တစ်ခုဖြစ်တဲ့ Toy Traveling နှင့် ဖင်လန်နိုင်ငံ ခရီးသွားအေဂျင်စီ Teddy Tours Lapland တို့မှာ ပုံမှန်ခရီးစဉ်နဲ့ အဆင့်မြင့်ခရီးစဉ်တွေကို ဝယ်ယူနိုင်ပါတယ်။ ဈေးနှုန်းတွေကတော့ $120 ကနေ $200 အတွင်းမှာပါ။ အဲဒါက အခြေခံကုန်ကျစရိတ်ပါ အဲဒီမှာပါဝင်မယ့် ဝန်ဆောင်မှုက ခရီးစဉ်တလျှောက် ပျော်ရွှင်နေတဲ့ သင့်အချစ်တော် အရုပ်ကလေးရဲ့ ဓါတ်ပုံတွေကို နေ့စဉ် သင့်ထံ Email ပို့ပေးမယ့် အစီအစဉ် ဖြစ်ပါတယ်။
ဒီထက်ပိုပြီး အဆင့်မြင့်တဲ့ Luxury package ကိုယူမယ်ဆိုရင်တော့ သင့်ရဲ့အချစ်တော်လေးကို ဖရောင်းတိုင်မီး (candle light) အောက်မှာ နှိပ်နယ်ပေးမယ်၊ နောက်ပြီးတော့ မွှေးပျံ့တဲ့ရနံကုထုံး (Aromatherapy) နဲ့ပျော်ရွင် လန်းဆန်းနေစေပါမယ်ဆိုပဲ။ ဒါတွေအားလုံးကို သင့်ဆီ Email နဲ့ မက်ဆေ့ခ်ျပို့ပေးပါလိမ့်မယ်။
အရုပ်ကလေးတွေဟာ ဘယ်နိုင်ငံသားပဲ ဖြစ်ပါစေ၊ ဘယ်လူမျိုး၊ ဘယ်ဘာသာ၊ ကျားမ မရွေး Toy Traveling Agency တွေက လက်ခံပို့ဆောင်ပေးနေပါပြီတဲ့။
REF : Reader Digest (November 2010)
0 comments:
Post a Comment